ā ē ī ō ū Ā Ē Ī Ō Ū

Ekore e tika kia noho he Māori rawakore ki tēnei whenua; ehara tēnei i te mea e ora ai tātou e tika ai rānei rātou . E mea ana tātou kia noho te Māori i runga i te rangimārie pēnei me tātou , ā e kī ana ahau mehemea tērā tētahi iwi i whiwhi nui ki te whenua kua kite rātou kei tō mawehe atu o rātou whenua i a rātou , e tika ana anō kia pōuri rātou . 

Ko te utu mō te Waka, Māori i te tau ka te 10s., he mea utu ki mua. Ka tukuna atu i te mēra ki te tangata e hiahia ana me ka tukua mai e ia aua moni ki te Kai Tuhi ki Pōneke nei. Kua tonoa te Pāremete e te Kāwana kia hui mai i te 2 o ngā hāora o te awatea o te Taitei, te 15 o Hune, ki te mahi i ngā mahi o te motu. 

Tā rātou kupu i reira ko te whenua kia whakawākia kia hokona, kia wātea rātou i ngā raruraru e homai ana e ētahi iwi ki a rātou . He nui rapea ngā kōrero mō ngā rori, mō ngā rūritanga hoki, mō te aha atu; otirā ko te tino kupu tēnā , ko te whakawā , ko te hoko. 

E ngari me tino mōhio anō te Muera mā ki ngā ture he mea ia i hangaia hei painga hei oranga mō te katoa. Heoi te tikanga pai mō rātou , mō te Muera mā , arā " ko tā rātou e pai ana kia meatia mai e te tangata ki a rātou , koia anō tēnā ka meatia e rātou ki te tangata," ā hei reira kitea ai e hara te ture i te mea whakamate i a rātou , engari he mea hāpai he mea whakaora i a rātou i runga i te ara pērā me ngā tikanga pērā.

ā ē ī ō ū Ā Ē Ī Ō Ū